Сооронбай Жээнбековдун басма сөз катчысы Стамалиева анын кайда экенин айтты

Кыргызстандын президенти Сооронбай Жээнбеков ушул тапта Бишкекте. Бул маалыматты анын басма сөз катчысы Толгонай Стамалиева журналисттерге ырастады. Анын айтымында президент бул күндөрү эч жакка кеткен эмес.

Кыргызстанда 4-октябрда өткөн парламенттик шайлоодон соң саясий кризис жаралды. Добуш берүүнүн жыйынтыгын жокко чыгаруу жөнүндө талап менен башталган митингдер башаламандыкка айланган. 6-октябрга караган түнү митингчилер парламент менен президенттик администрациянын имаратын ээлеп алышкан.

Президент Сооронбай Жээнбеков акыркы окуяларды бийликти басып алуу аракети катары баалаган. Жээнбеков Бишкекте экени айтылганы менен учурда ал эл алдына чыга элек.

WhatsApp кабарлар whatsapp
error: Content is protected !!
Яндекс.Метрика