Мурда соттолгон, үй-бүлөлүү. Айзаданы өлтүрүүгө шектелген Замирбек тууралуу маалымат берилди

27 жаштагы Айзаданы уурдоого жана өлтүрүүгө шектелген Замирбек Тенизбаев Россияда каракчылык үчүн соттолуп, 6,5 жыл түрмөдө олтурган. Бул тууралуу борбор калаанын ички иштер башкы башкармалыгынын Криминалдык милиция кызматынын башчысы Улан Айтбаев 8-апрелде Бишкектеги маалымат жыйынында билдирди.

«Замирбектин бир тууганын айтымында, ал үй-бүлөлүү, жубайы Кыргызстандын жараны эмес. Анын эки баласы бар. Бул сөздөрдүн, бардыгы текшерилет. Эл аралык деңгээлде тактоо иштери жүргүзүлөт », – деди ал.

Милициянын маалыматы боюнча, Замирбек Орусиядан Кыргызстанга 2017-жылы кайтып келген. 2017-жылдан бери таксист болуп иштеп, алгач батирде, акыркы 2-3 айда унаада жашап жүргөн, деди Айтбаев.

error: Content is protected !!