Мектептен баалуу буюмдар жоголгону боюнча арызданган директордун үйүнөн ошол буюмдар табылды

2019-жылдын 2-январында Ысык-Ата районуна караштуу Үч-Эмчек айылынын Өмүркул Жакишев атындагы орто мектебинен баалуу буюмдар уурдалган. Тагыраагы, ноутбук, проектор жана 5000 сом акча каражаты. Бул окуя боюнча мектеп директору Г. Б. милицияга арыз менен кайрылып, бул факт боюнча 220-берененин негизинде (уурулук) кылмыш иши ачылган.

Тергөө амалдарынын негизинде уурдалган буюмдар арыздануучу, тактап айтканда мектеп директорунун өзүнүн үйүндө табылганы маалым болду. Алдын ала айтылган кабарларга караганда 12-январь күнү мектептин кароолчусу таштандыдан аталган буюмдарды таап алганын директорго айтып, кайрылган. Ал буюмдар жөнүндө тергөөчүлөргө айтпастан өз үйүндө өзү колдонуп жүргөн.

Учурда бул факт боюнча кылмыш иши ачылып, сотко чейинки өндүрүш иштери башталганы кабарланды.

Мектеп директору буга чейин жоголгон буюмдарды окуучулардан көрүп, ата-энелерин төлөп бергиле деп кыйнап келгени айтылууда.

WhatsApp кабарлар whatsapp
error: Content is protected !!
Яндекс.Метрика