2023-жылдын 8-сентябрында Министрлер Кабинетинин Төрагасынын орун басары Бакыт Төрөбаевдин тапшырмасы менен Кыргыз Республикасынын Министрлер Кабинетинин алдындагы Архитектура, курулуш жана турак-жай-коммуналдык чарба мамлекеттик агенттигинин директору Мырзабек Жыпаркулов баштаган делегация мурдагы В.И.Ленин атындагы заводдун аймагында жайгашкан «Кыргызиндустрия» ачык акционердик коомунун туунду ишканаларын кыдырып чыгышты.
Тагыраак белгилей кетсек, “Кыргызбетонкурулуш” ЖЧКнын ишмердүүлүгү менен кеңири таанышты.
Эске салсак, «Кыргызбетонкурулуш» ишканасы “Кыргызиндустрия” ААКнын ири долбоорлорунун бири .
“Кыргызбетонкурулуш” ЖЧК – үй куруу үчүн толук ассортиментте пенополистирол панелдерди жасоочу компания. Өндүрүштүн жылдык көлөмү: 422,4 миң м.кв панел дубалдар өндүрүлөт.
